На 19 август 2023 година, во 19.30 часот, во Галерија „SpiritLab Space“, Окенхајм, Германија, ќе биде отворена изложбата „Трепет“ од авторот Слободан Милошески. Изложбата е составена од 15 скулпторски дела од галериски формат, а публиката ќе има можност да ја посети изложбата до 29 август.

На 30 мај 2023 година се отвори Графичко ателје, како дел од просторот на ателјеата на Ликовната академија. Графичкото ателје претставува донација од Верица Чулаковска, сопруга на еминентниот уметник Ѓорѓи Чулаковски-Ѓото, која се состои од  графичката преса и целокупниот инвентар на ателјето на авторот.

Во просторот на „Безистенот“ во Штип на 2-3 мај 2023 г. се одржа Ликовна работилница со студентите од Ликовната академија, инспирирана и посветена на ликовните дела кои се изложени во галеријата како дел од ликовното творештво на проф. Владимир Георгиевски. Притоа студентите инспирирани од мотивите, техниката и ликовниот концепт на одредени дела се обидоа да создадат скици и цртежи кои на одреден начин ја допираат конкретната тематика и мотив од одредено дело на авторот. На тој начин се потврди влијанието на богатиот ликовен фонд на В. Георгиевски, кој секогаш ќе создава дополнителна креативна енергија кај студентите како потенцијални ликовни автори.

Во галерискиот простoр на Младинскиот културен центар, во петок (9 јуни 2023 г.) беше отворена изложбата „Професори и студенти“ во организација на Град Скопје и МКЦ.

Во Уметничката галерија „Безистен“ на 16 мај 2023 година се отвори Годишната студентска изложба 2023 година, во која се изложени најдобрите студентски трудови кои се реализирани во тековната академска година.

Изложба на професорот Владимир Георгиевски се отвори на 25 април 2023 г. во Галеријата „Безистен“ во Штип, каде што беа претставени ликовни дела како дел од големиот опус на творештвото од различни периоди на авторот