Катерина Деспот. Темата под наслов „Не-дефинирани пространства" е делумно реална и постоечка, го открива пејзажот онаков каков што тој се отсликува во урбанизмот.
Урбанизмот треба да претставува принцип на една нова уметничка или естетска карактеристика на градот. Еден град треба да биде изграден на таков начин што ќе им даде на своите жители сигурност и удобност, среќа. Но, за да се постигне ова, неопходно е не само науката на техничар, туку и талентот на уметникот.
Васка Сандева. Уметничката страна во урбанизмот е важна, затоа што влијае врз душата, духот и расположението на населението. Но, за жал, во нашиот свет уметноста во урбанизмот е забранета. Уметноста и пејзажниот дизајн кога ќе се соединат во едно си помагаат едни со други и претставуваат добра релација, но покрај тоа создаваат и силна експресија како спој.
