На 14 ноември 2023 г. во Безистенот во Штип се одржа работилница на студентите од студиската програма Класично сликарство од Ликовната академија.

Студентите, заедно со проф. м-р Јана Јакимовска, ја посетија изложбата „Апостолите на современата македонска ликовна уметност“, со што одблизу се запознаа со делата на најеминентните претставници на македонското сликарство од втората половина на ХХ век. По разгледувањето на изложбата, студентите in situ направија скици/транскрипции на делата кои најмногу кореспондираа со нивниот личен ликовен сензибилитет, со што отвораат простор за изработка на дела директно инспирирани од богатата ризница на македонската современа уметност.