Ликовната академија при Универзитет „Гоце Делчев“ - Штип потпиша Меморандум за соработка со Националната ликовна академија во Софија.

Меморандумот се однесува на размена на предавачи, со остварување на реципроцитет меѓу двете институции, одржување на размена на студенти по уметност, учество на специјализации, преку добивање на сертификат, размена на изложбени дела од студенти и професори, соработка при учество на научни конференции, билатерална соработка  за воведување на нови методи на образование, размена на искуства околу семинари, симпозиуми во двете средини, размена на кадар на факултетите, преку што ќе се олесни и развие заедничкиот процес на размена помеѓу двете институции.